Голем скандал на Американската тајна служба!

Двајца членови на американската тајна служба биле вратени со авион во САД поради учество во тепачка со таксист во Сеул, за време на посетата на Џозеф Бајден на Јужна Кореја.

Двајца членови на американската тајна служба во четвртокот вечерта биле во посета на барови во Сеул, кога еден од нив физички се судрил со локален таксист во Сеул, јавуваат американските медиуми, пренесува Би-би-си.

Никој не бил приведен или уапсен во првите моменти по инцидентот, но полицијата во Сеул го истражувала случајот.

Американската тајна служба потврди дека е „свесна за инцидент надвор од должноста во кој биле вклучени двајца агенти, што би можело да претставува потенцијално кршење на американската политика во која се вклучени двајца вработени“, рече портпаролот на Тајната служба Ентони Гуглиелми во соопштението.

Share on Facebook

Tweet

Follow us

Save