Голем успех за македонската репрезентација во традиционално карате, од ЕП се враќа со 15 медали!

Со 15 медали од Европскиот шампионат во Римини, Италија дома се враќа македонската репрезентација во традиционално карате. Овој голем успех за македонскиот спорт носи нови пет златни, седум сребрени и три бронзени медали.

Во сениорска конкуренција прво место во кати и второ место во фукуго освои Аљоша Недев, додека Јадранка Недева освои прво место во фукуго и трето место во кати.

Во младинска конкуренција Мила Саздова и Димитри Влахо освоија први место во енбу, Мила Саздова освои второ место во кати и второ место во фукуго, ката-тимот во состав Мила Саздова, Мила Младеновска и Марта Димковска освоија второ место.

Во категоријата деца 8-9 години Филип Недев освои прво место во кати и второ место во кихон, Камелија Недев во категорија деца 10-11 години освои второ место во кати и второ место во кихон. Марта Димковска во категорија деца 12-13 години освои трето место во кихон.

Кај деца 6-7 години во кати прво место освои Максим Поп Трпев, второ место Масимо Меле и трето место Марко Илиевски. Софија Јарчевска и Матеј Мангаровски освоија четврти места во џиу ипон кумите и кихон.

Европското првество се одржа од 21. до 23. октомври со учество на над 500 натпреварувачи од 22 земји.

Share on Facebook

Tweet

Follow us

Save