INFOMAX.MK

Сатирична статуа на американскиот претседател Доналд Трамп, прикажан гол и позлатен, е изложена во зградата на Европскиот парламент во Стразбур.

Делото на данскиот уметник Јенс Галсшиот е насловено „Портокалова чума“ и е познато и како „Крал на неправдата“. Скулптурата е висока околу 2,5 метри и е обложена со 23-каратно злато.

Трамп е прикажан како седи на рамениците на значително помал човек кој се наведнува под неговата тежина, додека во рацете држи палка за голф и вага.

Според авторот, делото претставува сатирична критика на начинот на кој се користи политичката моќ, како и на политиките на Трамп во однос на климатските промени и меѓународниот поредок.

Статуата е изложена на покана на данскиот европратеник Пер Клаусен од групата Левица и е поставена на една од најфреквентните локации во комплексот на Европскиот парламент.

Станува збор за привремена уметничка изложба, а поставувањето на скулптурата не претставува официјален став на Европскиот парламент.