Гостиварци од 17 до 42 години групно се тепале за Нова година, повредиле и полицајци

Полицијата поднесе кривични пријави против 12 луѓе кои на 1 јануари се степале во кафеана во градот, во тепачката употребиле тврди предмети, а при обид да бидат раздвоени, повредиле двајца полицајци кои дошле да интервенираат, велат од МВР.

„Надворешната канцеларија за криминалистички работи Гостивар поднесе кривична пријава против Т.И.(28), Џ.Џ.(28), С.Џ.(23), Џ.Х.(30), Р.С.(22), Ј.А.(45), М.Р.(26), А.Б.(22), И.Р.(47), Ш.Х.(49) и Б.Р.(17), сите од Гостивар и М.Х.(42) од Тетово, поради постоење основи на сомнение за сторено кривично дело „насилство”. На 01.01.2023 во угостителски објект на улица „Илинденска” во Гостивар, пријавените го нарушиле јавниот ред и мир со меѓусебна физичка пресметка, при што биле употребени и тврди предмети, а при интервенција двајца полициски службеници се здобиле со повреди“, се вели во полициското соопштение.

Share on Facebook

Tweet

Follow us

Save