Градот под вода: Во Нови Пазар прогласена вонредна состојба поради силното невреме
Се отстрануваат последиците од силното невреме што вчера ја зафати Србија. Едно лице загина во Сомбор кога дрво падна врз возило. Изгаснат е пожарот што избувна во дворот на зградата на ЕПС во Нови Сад, поради што дел од градот остана без струја. Пожарникарите и спасувачите евакуираа пет лица и едно бебе. Во Нови Пазар е прогласена вонредна состојба.
Началникот на Секторот за вонредни состојби во Нови Пазар, Исмаил Дупљак изјави за РТС дека се работи за големо невреме.
-Речиси еден час паѓаше град, што е невидено на овие простори. За еден час на некои мерни места во градот паднаа над 66 литри вода на метар квадратен, што исто така е невидено, изјави Дупљак.
Во регионот на Ужице за време на вчерашното невреме наврнаа близу 40 литри дожд на метар квадратен, па дождовната канализација не можеше да ја прими целата вода.
Имаше и одрони, оштетувања на патната инфраструктура, а недостигаше и струја.
Најобилни врнежи придружени со град имаше во Мачва, Бачка, Срем, и во Златибор.
Жена загина во Сомбор кога дрво падна врз возилото што го возела.
Во Пожега и Чачак падна град со големина на орев и предизвика штети на земјоделските култури и овошните насади. Во Пожега се излеаја поројни потоци.
Како што најавуваат метеоролозите и денеска попладне во Србија ќе важи портокалова метео тревога. Попладне повторно ќе има услови за лошо време.
ПОВРЗАНИ ВЕСТИ
Унгарија ќе го повлече ветото за отворање…
Унгарија се очекува да го повлече ветото…
ММФ: Вештачката интелигенција го поттикнува светскиот економски…
Вештачката интелигенција во 2026 година за првпат…
Трамп го смени шефот за сајбер-безбедност по…
Директорот за национална сајбер-безбедност на Белата куќа,…
Денес се празнува Светиот маченик Јерон со…
Роден е во градот Тијана кападокиска од…
(Видео) Полска ја активира противвоздушната одбрана по…
Полските вооружени сили ја зголемија готовноста на…