Градот Скопје активно работи за граѓаните, пријавете проблем во секое време

Градот Скопје активно работи за граѓаните, пријавете проблем на [email protected]
На електронската адреса за комуникација со граѓаните [email protected] во последната работна недела пристигнато е 41 барање и предлог од граѓаните, од кои решени се дури 40.

Најголемиот број граѓани во текот на изминатата недела пријавиле проблеми со бездомни кучиња, побарале кастрење на суви дрвја и гранки, пријавиле проблеми со подигањето на комуналниот отпад, а дел од прашањата се однесуваат и на данокот на имот.

Проектот „Отворен град 24 часа“ овозможува граѓаните брзо и лесно да пријавуваат проблеми. Целта е да се поттикне ефикасно и ефективно работење на градската администрација, кое ќе придонесе Скопје да биде функционален град кој нуди брзи, квалитетни и навремени услуги за скопјани. Со ваквиот начин на комуникација Градот Скопје станува поблизок до скопјани и преку непосреден однос со граѓаните ги решава нивните проблеми.

Стручните служби во Градот Скопје се задолжени да одговорат на барањата на граѓаните што пристигнуваат на адресата [email protected] или да ги решат во најкраток можен рок со што се овозможува брза и непосредна интервенција на терен за пофункционален град во служба на граѓаните.

Share on Facebook

Tweet

Follow us

Save