Градски распродаден за концертот на Дејвид Гета за Денот на независноста
Концертот на Дејвид Гета кој ќе се одржи на 8 Септември на Градскиот стадиот „Тодор Проески“, а по повод 35 години независност на Македонија, официјално е распродаден.
-Продадени се 50.000 влезници во помалку од 12 часа! Повеќе од 250.000 луѓе, голем дел од нив во ист момент, се приклучија на avalonbooking.mk, што предизвика потешкотии при логирањето и купувањето влезници кај дел од корисниците, земајќи предвид дека побарувачката евидентно го надмина капацитетот и бројот на достапни влезници, информираат од Авалон.
Секој што има купено влезници ќе го добие својот PDF со влезниците најдоцна до недела (17 мај) имајќи предвид дека станува збор за 50.000 влезници кои треба да бидат процесирани.
Од Авалон посочуваат дека статистиката покажува дека 93% од влезниците се продадени на корисници од Македонија, додека останатите 7% се продадени на корисници ширум светот.
