Град Скопје ја реконструира улицата „Волково“
Јавното претпријатие “Улици и патишта” по налог на Градот Скопје ја реконструира улицата Волково, која се протега од раскрсницата со улицата Шарпланинска до раскрсницата со патот за Кучково и за Орман. Со оваа реконструкција значајно се подобрува инфраструктурата на траса во должина од 1700 метри, соопшти на Фејсбук градоначалничката на Град Скопје, Данела Арсовска.
– Клучните елементи на проектот вклучуваат реконструкција на површина од 13.240 квадратни метри, поставување нови рабници за подобрување на безбедноста на патиштата, рехабилитација на тротоарите за подобрување на пристапот за пешаците и подобрување на безбедноста во сообраќајот за сите учесници.
Со нивелирање на над 30 шахти и сливници се обезбедува соодветна дренажа на коловозот. Со оваа сеопфатна реконструкција значително се подобрува квалитетот и безбедноста на улицата Волково, олеснувајќи го побрзиот проток на сообраќај и подобрувајќи го движењето за граѓаните. Градот Скопје изразува благодарност до жителите за нивното трпение и соработка во текот на целиот период на изградба. Овој проект е дел од активностите за подобрување на градската инфраструктура, насочена кон поттикнување на побезбеден и поефикасен сообраќаен систем. – објасни Арсовска.
ПОВРЗАНИ ВЕСТИ
Од 1.670 евра до над 2.150 евра…
Пазарот на недвижности во Европа продолжува да…
Водата во Скопје е безбедна за пиење
Водата во Скопје е квалитетна и безбедна…
Вечерва ќе се спроведе 13-тата дезинсекција против…
Вечерва на подрачјето на градот Скопје, ќе…
Водата во Скопје е исправна за пиење,…
Водата во Скопје е безбедна и ги…
Секторот за компјутерски криминал повика 13 лица…
Министерството за внатрешни работи ја информира јавноста…