Граѓаните ќе плаќаат најмалку 600.000 евра за апанажа на пратеници од минатиот состав

Граѓаните ќе плаќаат најмалку 600.000 евра за апанажа на пратеници од минатиот состав, реагираат од политичката партија Левица.

– Деновиве во јавоста излезе информација дека собраниската Комисија за прашања на изборите и именувањата, до сега, на најмалку 29 пратеници од минатиот парламентарен состав им одобрила да земаат апанажа во траење од една година, која е во висина на платата на пратениците, а истата ја исплаќа Собранието.

Само досега потврдените апанажи на поранешните пратеници ќе ја чинат државната каса над 600 000 евра. Велиме досега бидејќи рокот за поднесување на барања за апанажа трае до 28 јуни, а право на апликација имаат вкупно 57 пратеници од минатиот состав.

Покрај енормно високите плати, надоместоците за патни трошоци, бифето кое служи по набавни цени и многу други привилегии, правото на апанажа претставува уште еден доказ дека пратениците се најпривилегираните работници во државава. – велат од партијата.

Share on Facebook

Tweet

Follow us

Save