Грчката армија демантира дека се поплавиле хеликоптери во воениот аеродром во Волос

Генералштабот на грчката армија ги демантираше натписите во дел од грчките медиуми дека се поплавиле хеликоптерите стационирани на воениот аеродром во близина на Волос и соопштија дека се безбедно префрлени на сува писта „согласно постоечките, важечките и стандардните процедури за безбедност на материјал и објекти“, јави дописничката на МИА од Атина.

Од армијата објаснија дека првично биле пренесени хеликоптерите што се функционални и оперативни, а потоа оние што се неактивни, стари веќе 60 години и со години повлечени од активна употреба, а токму од тие хеликоптери биле фотографиите објавени во дел од медиумите.

По натписите во „Ајидисис“ и „Документо“ за случајот со хеликоптерите, реагираа од опозициската СИРИЗА, додека пак владиниот портпарол коментираше дека станува збор за „фејк њуз“.

Share on Facebook

Tweet

Follow us

Save