Дамфрис: Ова беше голема победа, мора вака да продолжиме!

Интер излезе како победник од соочувањето со Аталанта во рамките на полуфиналната рунда во Супер Купот на Италија.

Актуелниот италијански шампион и тим кој го брани трофејот во ова натпреварување славеше со 2-0 во средбата во која човек оа одлука беше холандскиот репрезентативец, Дензел Дамфрис.

Дамфрис ги постигна двата гола за „нероаѕурите“ во второто полувреме, два атрактивни погодоци со кои го однесе својот тим во финалето каде за ривал ќе го има подобриот од пресметката Милан-Јувентус.

-Многу сум среќен со вечерашнава победа, ова беше добар настап, го контролиравме и првото полувреме и среќен сум што помогнав со два гола. Ова беше голема победа. Играме добро, но мора да се фокусираме на тоа да го правиме подобро секој натпревар. Ние сме на добра форма и мора вака да продолжиме, -истака Дензел за „Спорт Медијасет“.

Share on Facebook

Tweet

Follow us

Save