Дата-центрите се новата нафта, вели Мицкоски

Како инженер и како човек сметам дека вештачката интелигенција и податочните, односно дата-центрите, се нова нафта, изјави премиерот Христијан Мицкоски одговарајќи на новинарско прашање во врска со одлуката на Советот на Општина Пехчево, кој гласаше против изградба на дата-центар.

Но, Мицкоски потенцираше дека тоа била приватна иницијатива.

– Од тоа што бев информиран од градоначалникот, станува збор за нацрт-предлог на урбанистички план. Кога ова би бил владин проект, ние би излегле и би кажале што е тоа што ќе го прави државата. Тоа треба да го разграничиме – рече Мицкоски.

Мицкоски е уверен дека ако ние не препознаеме дека сега е момент за изградба на дата-центри и ако не обезбедиме услови, нема да има раст на државата. Притоа, потенцира дека секако треба да бидат запазени сите услови – заштитена и животната средина, заштита на граѓаните и сè што е неопходно за нивно безбедно функционирање.

– Моето лично мислење е дека одредени структури во општеството имаат поинаква цел. Најмалку им е цел да ги заштитат интересите на државата и на граѓаните. Тоа се истите луѓе и кога стануваше збор за инвестицијата во антимон во Луке, за инвестиции во рударството, за златото, кои беа против хидроцентралите. Тоа е она што ние го имаме. Ние сме држава што не излегува на море – рече Мицкоски.

Share on Facebook

Tweet

Follow us

Save