Дачиќ: Добивме ветер во грб, најголем дел од членките на ОН не го признаваат Косово

Првиот вицепремиер и министер за надворешни работи на Србија, Ивица Дачиќ, во интервју за српски „Курир“ оцени дека седницата на Советот за безбедност на ОН за ситуацијата на Косово покажала дека Србија е почитувана на меѓународната сцена, дека нејзините ставови имаат голема резонанца и дека се почитувани, дури и од оние кои најмногу ја поддржуваат Приштина, додека за резолуцијата на Европскиот парламент, која дојде истиот ден, вели дека тоа е „политички памфлет“ кој не обврзува било кој, но дека тоа му дало „горчлив вкус дека Србија е извалкана“.

– Од 193 членки на ОН, само 84 го признаваат Косово, а не 109. Веќе имаме убедливо мнозинство членки во ОН кои не го признаваат Косово. Исто така, за најголемиот број земји во ОН е многу важно да се разговара за Косово во ОН, бидејќи тие се грижат за почитување на меѓународното право, исто како што е важно за Србија. И во таа смисла, оваа седница на Советот за безбедност даде ветер во грб, бидејќи покажавме дека одлуката за Косово и Метохија мора да се носи врз основа на права, а не врз основа на нечија политичка и воена сила. Оние кои го признаваат Косово не се среќни поради тоа, но и не можат да спречат за Косово да се зборува на јазикот на фактите, вели Дачиќ.

Share on Facebook

Tweet

Follow us

Save