Дачиќ: Политиката на Србија e зачувување на интегритетот и српскиот народ во Косово

Министерот за надворешни работи Ивица Дачиќ изјави дека надворешната политика на Србија е во согласност со внатрешните интереси за да се зачува територијалниот интегритет и српскиот народ на Косово.
„Србија води независна и суверена надворешна политика која е во согласност со нејзините внатрешни интереси за да го зачува територијалниот интегритет и српскиот народ на Косово и Метохија“, изјави Дачиќ за ТВ Прва.

Тој посочи дека Белград не води политика под ничие влијание, како и дека Србија не може да има негативен однос кон Русија и Кина, а да очекува нивна поддршка во меѓународните институции.

За коментарите на хрватските претставници за надворешната политика на Србија, Дачиќ рече дека ваквата реторика од официјален Загреб не е поради изборите во таа земја, туку „атмосферата со години што го одразува мислењето на хрватските власти дека Србија е „друг свет“.

Share on Facebook

Tweet

Follow us

Save