Дачиќ: Ќе инсистираме ситуацијата на Косово да биде претставена на седницата на Советот за безбедност

Министерот за надворешни работи на Србија, Ивица Дачиќ денеска изјави дека не е сигурно дали Советот за безбедност на Обединетите нации ќе може да донесе одлука за Косово, бидејќи за такво нешто е потребно мнозинство од членовите на тоа тело, но дека оидржувањето на состанокот е легитимно право на Србија и дека сака да инсистира на презентирање на ситуацијата, јавува РТВ.

Дачиќ оцени дека одлуката на Приштина да повлече 25 отсто од полицајците од северот на Косово е обид да се „покријат очите, како нешто да е олабавено“.

„Тоа се трикови, како кога ќе ја ставите ногата во вратата и ќе мислите дека сте влегле во просторот“, рече Дачиќ.

Тој изјави дека во суштина нема деескалација и повлекување на градоначалниците од општините на север.

-Нема деескалација, повлекување на градоначалниците од општините на север и целосно повлекување на специјалните полициски единици, рече Дачиќ, на ТВ Пинк.

Share on Facebook

Tweet

Follow us

Save