Да одморат од многу работа: Пратениците и денеска дома, со работа ќе почнат од утре
По Велигденските празници, пратениците в среда треба да се вратат на работните обврски. Првата пленарна седница, според веб-страната на Собранието, е закажана за 19 април, а до крајот на месецот има закажано само уште една седница на 27 април која е посветена на пратенички прашања.
На дневен ред на 111. седница, која треба да се одржи во среда, се 33 точки меѓу кои предлог-одлуки за измена на одлуките за избор на претседател и членови на комисиите на Собранието, Комисијата за избори и именувања, Комитетот за односи меѓу заедниците и на Националниот совет за евроинтеграции.
Пратениците треба да ги разгледаат и Предлог-дополнувањата на Законот за возила, Предлог-измените на Законот за Управата за јавни приходи и на Законот за интероперабилност во железничкиот систем.
На оваа пленарна седница се и Предлог-измените на Изборниот законик, поднесени од „Левица“, како и две предлог-измени на Законот за субвенциониран студенски оброк од кои едните поднесени од пратеници од СДСМ, а другите од пратеници од ВМРО-ДПМНЕ.
ПОВРЗАНИ ВЕСТИ
Огласи за пет вработувања во Собранието, платите…
Отворени се огласи за пет работни места…
Продолжува расправата за ребалансот на Буџетот
Собраниската Комисија за финансирање и буџет денеска…
Во Собранието одбележан Меѓународниот ден на сеќавање…
По повод 11 Јули – Меѓународниот ден…
Денеска ќе бидат доставени имињата на новите…
Премиерот Христијан Мицкоски изјави дека во текот…
Собранието ја изгласа потребата за носењето на…
Собранието со 59 гласа „за“, три гласа…