Двајца Македонци уапсени во Грција

Осум златни прачки, накит и сума од 15.000 евра открила грчката полицијата кај четворица странци кои биле уапсени во Солун.

Станува збор за двајца Срби на возраст 37 години и двајца државјани на Македонија (72 и 36 години), против кои е поднесена кривична пријава за прифажање и располагање со приноси од казниво дело, бидејќи не можеле да го оправдаат нивното легално поседување.

Горенаведените вредни предмети биле лоцирани во два автомобили, во кои се возеле со странски регистарски таблички.

Полициски екипи на велосипеди ги запреле возилата за проверка во кругот на Старата железничка станица во Солун, а потоа биле спроведени во Подирекцијата за борба против организиран криминал во Солун, каде што биле уапсени.

Во тек се увиди за да се утврди потеклото на златните прачки и накитот.

Share on Facebook

Tweet

Follow us

Save