Двајца Македонци фатени со 137 килограми марихуана во Бугарија!

Двајца државјани на Македонија се приведени на граничниот премин Ѓуешево откако се обиделе да пренесат 137 килограми марихуана, соопшти Окружното обвинителство во Ќустендил, Бугарија.

Околу 22:30 ч. на 18 декември, два товарни воза со регистарски таблички на Македонија пристигнаа на влезот за камиони, кои превезуваа товар руда во Турција.

Царинските инспектори ги пренасочиле моторните возила на темелен царински преглед. Во приколката од втората композиција пронајдени се специјално прилагодени скривалишта – шуплини во дрвени попречни штици (хоризонтални странични прегради). Пронашле 320 пакетчиња со наркотичната супстанца – марихуана.

Вкупната тежина на предметот на кривичното дело е 137.045 кг.

Во случајот обвинети се камионџиите. Со наредба на надзорниот обвинител им е одредена мерка притвор во траење од 72 часа.

Прашањето кое се поставува е ко македонски граничари и цариници ги пропуштиле камионџиите со 137 килограми марихуана да ја поминат македонската граница и зошто.

Share on Facebook

Tweet

Follow us

Save