Двајца митрополити на СПЦ ја поддржаа Студентската листа

Двајца архиереи на Српската православна црква во пресрет на предизборниот молк и парламентарните избори во Србија, ја поддржаа Студентската листа, појавувајќи се на фотографија заедно со поранешната кошаркарска ѕвезда и актуелен шеф на Евролигата, Дејан Бодирога, кој е кандидат за пратеник од Листата.

Митрополитот германски Григориј на „Инстаграм“ објави слика на која седи заедно со митрополитот црногорско-приморски Јоаникиј и со Бодирога, а на масата стои бројот 3 – изборниот број на Студентската листа на гласањето во недела.

Фотографијата е јасна порака за поддршка на Студентската листа.

Владиците Григориј и Јоаникиј, заедно со разрешениот Митрополит Жички Јустин и уште неколкумина великодостојници на СПЦ лани беа меѓу потписниците на соопштението во кое повикаа на „почитување на студентите и на нивната достоинствена и праведна борба“. Соопштението беше реакција на низата обвинувања што во тие денови одредени претставници на Црквата ги изнесуваа против студентите, а кои беа пренесувани преку официјалните канали на СПЦ.

Share on Facebook

Tweet

Follow us

Save