Два автомобили опожарени синоќа во Скопје

Две возила марка „ауди“ биле запалени изминатата ноќ во Скопје. И двете биле опожарени на паркинг простори. 

– На 27.01.2026 во 02:00 часот во СВР Скопје е пријавено дека на паркинг простор на ул.„Христо Татарчев“ во Скопје било опожарено патничко возило „ауди“ со скопски регистарски ознаки, сопственост на Г.Ч.(20) од Скопје. Повредени лица нема, а екипа од Бригадата за противпожарна заштита Скопје го изгаснала пожарот. Извршен бил увид од увидна екипа од СВР Скопје, информираа од МВР за едниот случај. 

По час и половина пристигната пријава за уште едно опожарување. 

– На 27.01.2026 во 03:30 часот во СВР Скопје е пријавено дека на паркинг простор на ул.„Лазар Димитров“ во Скопје било опожарено патничко возило „ауди а4“ со скопски регистарски ознаки,  сопственост на 61-годишната Р.Л.Г. од Скопје. Повредени лица нема, а екипа од Бригадата за противпожарна заштита Скопје го изгаснала пожарот. Извршен бил увид од увидна екипа од СВР Скопје, соопштија од полицијата за другиот случај. 

Share on Facebook

Tweet

Follow us

Save