Двегодишно дете од Куманово е затруено со разредувач за боја, пренесено е на Клиниките во Скопје

Уште еден случај на затруено дете во Куманово евидентира кумановската полиција. Вчера во СВР Куманово, од Општата болница Куманово е пријавено дека кај нив е донесено двегодишно дете од Куманово кое е затруено со средство за разредување на боја.

По укажана лекарска помош, детето било пренесено во комплекс клиники „Мајка Тереза“ во Скопје за понатамошно лекување.

Полицијата презема мерки за расчистување на случајот.

Лани имаше неколку случаи на затруени деца од кумановскиот регион. Дел од децата беа затруени откако испиле средства за чистење, за дезинфекција, а дел од дечињата испиле таблети.

Share on Facebook

Tweet

Follow us

Save