Две девојки приведени по физичка пресметка во Центар, кај едната пронајден остар предмет

Две девојки од Скопје биле приведени по меѓусебна физичка пресметка и агресивно однесување кон полициски службеници во скопски Центар, информира МВР.

Настанот се случил на 14 септември околу 19:50 часот, кога полициски службеници ги привеле С.Р. (26) и В.А. (24), двете од Скопје.

Според МВР, тие претходно го нарушиле јавниот ред и мир со меѓусебна физичка пресметка, а потоа агресивно се однесувале и кон полицајците кои преземале службени дејствија.

При извршениот преглед кај 24-годишната В.А. бил пронајден остар предмет.

По целосното документирање на случајот ќе следува соодветен поднесок.

Share on Facebook

Tweet

Follow us

Save