Две деца во Чешка случајно изеле бонбони со марихуана на улица

Полицијата на Чешка започна истрага откако две деца пронашле и изеле бонбони со канабис додека си играле во парк, изјави денеска полицискиот портпарол.

Бонбоните, кои содржеле тетрахидроканабинол (ТХЦ), главната активна состојка на канабисот, биле завиткани во хартија која наликувала на популарни детски бонбони, соопшти полицијата.

Инцидентот се случил во регионот Мост, североисточно од Прага.

Наводно, мајката на децата се посомневала и ги однела децата во болница.

Лекарските наоди покажале присуство на канабис во телото на двајцата млади пациенти, но децата немале сериозни здравствени последици.

Инспекторите претпоставуваат дека канабисот, завиткан во бонбони, бил увезен. Во Чешка, продажбата на такви производи е нелегална.

Share on Facebook

Tweet

Follow us

Save