Две Италијанки се обиделе да влезат на Табановце со пет вида дрога во личниот багаж

Лишени од слобода две италијански државјанки на граничен премин Табановце кај кои била пронајдена дрога.

Како што информираат од МВР, вчера (06.10.2025) во 20:20 часот на Граничен премин Табановце, на влез во државата, полициски службеници ги лишиле од слобода Џ.П.(33) и Б.М.Р.(33), двете од Италија.

При гранични проверки и контрола во возилото „рено“ со италијански национални ознаки, кое го управувала Џ.П., а сопатник била Б.М.Р., во личниот багаж на Џ.П. пронајдени биле 186 семки од растението канабис, хемиска материја ЛСД, тврда кафеава материја и кесичка со суви печурки. Додека, во багажот на Б.М.Р. е пронајдена марихуана.

Тие се задржани во полициска станица и по целосно документирање на случајот, против нив ќе биде поднесена соодветна пријава.

Share on Facebook

Tweet

Follow us

Save