Дебела казна за ТикТок: Не успеал да ја заштити приватноста на децата

Европски регулатор ја казни платформата ТикТок со 368 милиони долари поради неуспехот да ја заштити приватноста на децата, што е прв пат популарната апликација за споделување видеа да биде казнета поради кршење на строгите европски прописи за приватност на податоците.

Ирската комисија за заштита на податоците, водечкото регулаторно тело за големите технолошки компании со своето европско седиште во Даблин, соопшти дека го казни ТикТок со 345 милиони евра и ја опоменува платформата за прекршувања кои датираат од втората половина на 2020 година.

Истрагата откри дека процесот на пријавување за тинејџерите корисници бил таков што нивните сметки автоматски биле јавно објавени во поставките, дозволувајќи им на секој да ги гледа и коментира нивните видеа. Во поставките каде што такво нешто автоматски се одобрува, тоа претставува ризик и за деца под 13-годишна возраст кои добиле пристап до платформата иако не им е дозволено.

Исто така, опцијата „семејна врска“ направена за родителите да управуваат со поставките не е доволно строга и им овозможува на возрасните да вклучат директни пораки за корисници на возраст од 16 и 17 години без нивно одобрение.

Share on Facebook

Tweet

Follow us

Save