Девет месеци нема одговорност за пожарот во тетовската модуларна болница

t

Обвинителството тактизира за случајот со изгорената модуларна болница во Тетово. Девет месеци по трагедијата во која загинаа 14 лица Обвинителството не кажува кој е одговорен за трагедијата, иако предметот пред еден месец беше презентиран и пред високите органи на Јавното обвинителство кои се запознаени кај кого евентуално би била вината за пожарот.

„Во тек е изготвувањето на јавнообвинителската одлука во предметот. Станува збор за комплексен предмет во кој е потребно внимателно и прецизно да се објаснат сите аспекти на утврдената кривична одговорност и да се наведат сите докази што одат во прилог“, наведоа од Обвинителството.

Од Обвинителството велат дека досега нема спогодба со ниту едно лице инволвирано во процесот. Алсат неодамна објави дека тетовското обвинителство има индиции за сторено кривично дело, како и дека случајот е пред обвинение за три физички и едно правно лице. Но, ваков чекор досега не е преземен.

Случајот требаше да има епилог по пристигнувањето на извештајот од Германија за причините за пожарот. Таа анализа пристигна во јануари и ги покажа истите наводи како на крим – технката на МВР, дека пожарот е настанат од продолжен кабел.

На 8 септември до темел изгоре тетовската монтажна болница. Во неа, покрај персоналот, имаше 26 пациенти и нивна придружба иако тие не требаше да бидат присутни таму зашто беше забрането да се посетуваат ковид пациенти. Во пожарот изгореа 12 хоспитализирани лица и двајца кои ги придружувале своите роднини во болницата. По пожарот оставки понудија тогашниот министер за здравство Венко Филипче и неговиот заменик Илир Хасани, но не ги прифати тогашниот премиер Зоран Заев. Сепак, тие не останаа во новата Влада што ја формираше Димитар Ковачевски. Оставки од директорските функции дадоа првите луѓе на тетовската болница, Флорин Бесими и Артан Етеми.

Извор: Алсат.мк

ПОВРЗАНИ ВЕСТИ

Трагедија: Четири лица починаа во пожар во…

Четири загинаа во пожар во болница во…

(Видео) Огромни огнени пламени голтнаа цел трговски…

Голем пожар избувна во трговскиот центар Арши…

Левица: Касами повика на рушење на уставниот…

Првиот човек на Движењето Беса и актуелен…

Легендата на музиката Мишо Ковач завршил во…

Легендарниот пејач Мишо Ковач (82г.) синоќа со…

(Видео) Големи немири и подметнати пожари го…

Полициски автомобили и автобуси беа запалени откако…