Денеска нов лет од Дубаи кон Скопје за евакуација на македонски државјани

Уште еден лет од Дубаи кон Скопје ќе се реализира денеска, како дел од активностите за евакуација на македонските државјани кои се наоѓаат во Обединетите Арапски Емирати.

Од Министерството за надворешни работи и надворешна трговија на Северна Македонија информираат дека евакуацијата се спроведува во координација со дипломатско-конзуларните претставништва, со цел безбедно враќање на граѓаните во земјата.

Воедно, од Амбасадата на Северна Македонија во Абу Даби апелираат до македонските граѓани кои имаат приоритетна и неодложна потреба од евакуација да се пријават во амбасадата во најкус можен рок. Евидентирањето може да се направи телефонски на бројот +971 56 441 7532 или преку електронска пошта на адресата [email protected].

Според официјалните податоци, досега се реализирани четири организирани летови за евакуација на македонски државјани од регионот на Блискиот Исток, при што во земјава се вратени вкупно 458 патници.

Share on Facebook

Tweet

Follow us

Save