Денеска се празнува Света Вероника

Света Вероника

Тоа е крвоточивата жена којашто во она време Христос ја исцели (Матеј 9, 20). Од благодарност кон својот исцелител Господ, Вероника порача и му направија статуа на Исус Христос и пред неа таа Му се молеше на Бога. Според Преданието оваа статуа била сочувана до времето на царот Јулијан Отстапник, којшто ја претворил во статуа на идолот Ѕевс. Ова е еден од вонредно ретките случаи во Црквата на Исток да бидат употребувани статуи со свети ликови. Како што е познато, подоцна тоа стана обичај во западните цркви. Света Вероника и остана предадена на Христовата вера до својата смрт и мирно почина.

Тропар
Силата во земниот живот која од тебе истекуваше Веронико света, од допирот на Животот се претвори во благодат на верата, надежта и љубовта, со која ти Него Го исповедаше пред луѓето и ангелите. Радувај се и моли се за нас ти, верна слугинко Господова.

Share on Facebook

Tweet

Follow us

Save