Ден на жалост во Косово по убиството на полицаец на северот на државата

Претседателката на Косово, Вјоса Османи го прогласи понеделник, 25 септември, за ден на жалост во државата, во чест на полицискиот старешина Африм Буњаку, кој вчера беше убиен во напад на вооружена група на северот од државата, јави дописникот на МИА од Приштина.

Во синоќешното соопштение од кабинетот на Османи се наведува дека „државниот протокол ќе ги преземе сите потребни дејствија за спроведување на одлуката“.

Началникот на косовската полиција, Буњаку беше убиен, а уште еден граничен полицаец беше ранет во вчерашниот напад од група од, според косовското МВР, околу 30 маскирани и униформирани лица, кои поседувале тешко оружје, во селото Бањска, кај Звечане во северно Косово.

Share on Facebook

Tweet

Follow us

Save