Де Ниро распали по Трамп: „Тргнете ги рацете од нашите гласови“

Холивудската легенда Роберт де Ниро повторно жестоко го нападна американскиот претседател Доналд Трамп, во говор посветен на изборите и раното гласање.

Де Ниро го нарече Трамп „кукавица“ и го обвини дека се обидува да им го одземе гласот и политичката моќ на Американците.

„А што ќе му кажеме на тој кукавица, кога Доналд Трамп се обидува да ни го одземе гласот и нашата моќ? Тргнете ги рацете од нашите гласови“, порача Де Ниро.

Актерот упати остри критики и кон републиканците во Конгресот, тврдејќи дека не прават доволно за заштита на избирачките права.

„Што ќе им кажеме на тие слаби и безрбетни републиканци во Претставничкиот дом и Сенатот кои не сакаат да ги заштитат нашите права?“, праша Де Ниро.

Тој го критикуваше и Врховниот суд, како и одредени федерални институции, изнесувајќи тврдења дека нивните постапки можат да влијаат врз изборниот процес.

Де Ниро се осврна и на политиките на администрацијата на Трамп, оценувајќи дека тие стануваат сè понепопуларни меѓу гласачите.

„Тие го гледаат тоа. Но, мислам дека се поглупави отколку што некогаш мислев. Сфаќаат дека она што го прават ги одвраќа луѓето“, рече актерот.

Главната порака на неговиот говор беше повикот Американците да излезат на гласање и, каде што е можно, да гласаат пред официјалниот изборен ден.

„Први ќе гласаме и ќе гласаме порано“, порача Де Ниро, повикувајќи ги граѓаните да ги охрабрат и своите семејства, пријатели и соседи да гласаат.

Тој повика и на учество во националната акција „Без кралеви: Гласајте порано“, најавена за 17 октомври.

Share on Facebook

Tweet

Follow us

Save