Димитриевски во „Топ тема“: Со ВМРО-ДПМНЕ ќе потпишеме договор за владина програма и врз база на тоа ќе делуваме

Знам дека довербата кај граѓаните е нарушена, а очекувањата се огромни. Времето ќе покаже, тоа ќе го видиме уште во првите 100 дена од владата, рече Максим Димитриевски, лидер на ЗНАМ и градоначалник на Општина Куманово, во вечерашното интервју во „Топ тема“ на Телма ТВ.

„Јас во оваа влада гледам енергија и гледам желба дека сака да се работи. Во претходната влада беше изгубена и енергијата, а да не зборувам за сите афери. Но, нема да зборувам за нив. Излеговме на избори, изгубија катастрофално. Сега доаѓа моментот на ВМРО-ДПМНЕ и коалицијата со Влен и на ЗНАМ. ВМРО-ДПМНЕ претходно направи договор со Влен, дополнително, значи не потпишавме договор, усогласивме владина програма за поддршка и со нас“, изјави Димитриевски.

Тој додаде сè уште нема најава за договор меѓу ВМРО-ДПМНЕ и ЗНАМ.

„Мислам дека нема да потпишеме договор, ќе потпишеме само Договор за владина програма. И тоа е тоа и врз база на тоа ќе делуваме“, истакна лидерот на ЗНАМ.

Share on Facebook

Tweet

Follow us

Save