Димитров: Бугарија не ја држи заклучена вратата кон ЕУ за Македонија, клучот е кај нив

” Бугарија не ја држи заклучена вратата кон ЕУ за С. Македонија, клучот е кај нив. Бегањето од вистинскиот дијалог и очекувањето дека кон Бугарија ќе биде направен притисок за да ја промени својата одлука, нема да доведе до позитивен исход“, изјави проф. Ангел Димитров, копретседател на историската комисија.

„Несериозниот однос кон историјата, создавањето митови се типични за разни македонски организации, но се несериозни“, вели Димитров за „NOVA NEWS“.

Оваа недела Вселенската патријаршија ја призна Македонската црква како Охридска архиепископија.

„Скопје ќе се обиде да ја искористи оваа одлука во своја полза, но самиот чин на паѓање на шизмата, сè уште не автокефална, не значи дека Вселенската патријаршија автоматски признала автономна македонска црква“, рече Димитров.

„Со вешта црковна дипломатија можеме да искористиме јасно и категорично поставување на историските темели на Охридската архиепископија“, додаде тој.

Професорот Димитров се надева дека можеби „нашите соседи почнуваат да сфаќаат дека промената мора да дојде од нив“.

Share on Facebook

Tweet

Follow us

Save