Објавено на:

Директорот на Ургентниот центар во Нови Сад: Вакви повреди настануват само во воени услови

t

– Се врши интензивен мониторинг, но повредите се такви, тие се во тешка општа здравствена состојба – изјави Николиќ.

Како што изјави лекарот, на пациентите кои се повредени во тешката несреќа на Железничката станица во Нови Сад им се пружа сета потребна нега и се прави сѐ за да се спасат.

– Се спроведува интензивен конзервативен третман, дополнителна дијагностика, лабораториски снимања, нови хируршки процедури во однос на откриените повреди. Вакви тешки повреди се среќаваат само во воени услови, тие бараат континуиран мониторинг – рече тој.

Тој истакна и дека никој од тројцата повредени не е свесен и дека се приклучени на механичка вентилација.

– Знаеме сѐ за нивната здравствена состојба и тоа не е спорно, тоа се обемни повреди на повеќе органски системи, бараат многу внимателен начин на нега, даваме сѐ од себе и мислам дека имаме резултати во однос на тоа. Но секогаш ќе бидам внимателен поради големите повреди за кои станува збор – истакна директорот.

Тој додаде дека нема да зборува за индивидуалната состојба на секој од пациентите, но дека целиот тим е многу добро упатен во нивната состојба.

– Општата и стручно-медицинската проценка е дека општата здравствена состојба е сериозна или поточно опасна по живот – вели Николиќ.

На крајот истакна дека има залиха на крв, но дека не е лошо да ја има и во резерва.

– Имаме крв, но никогаш не е лошо да ја имаме во резерва, за луѓе со добра волја, а видовме дека ги има многу, да даваме крв и со тоа да им помагаме на другите луѓе – заклучи тој.

ПОВРЗАНИ ВЕСТИ

СИ-ЕН-ЕН: АМЕРИКАНСКОТО РАЗУЗНАВАЊЕ ПРЕДУПРЕДУВА ЗА МОЖЕН ИРАНСКИ…

Американските разузнавачки служби располагаат со информации кои…

Инстант лоз „Мега милионер“ – гребни ја…

Во понудата на инстант лозови на Државна…

ЖЕЛЕЗНИЧКИОТ СООБРАЌАЈ ВО ВАШИНГТОН ПРИВРЕМЕНО ЗАПРЕН: Амтрак…

Американската железничка компанија „Амтрак“ (Amtrak) привремено го…

НОВ ХАОС НА АМЕРИКАНСКИТЕ АЕРОДРОМИ: Падна системот…

Американската авиокомпанија United Airlines потврди дека се…

ДЕМОКРАТИТЕ ПОДГОТВУВААТ ГОЛЕМ УДАР ВРЗ ТРАМП: Се…

Американскиот претседател Доналд Трамп се соочува со…