Доаѓа вистинска зима: Балканот и Македонија за краток период би можеле да бидат погодени дури од три ледени бранови од Арктикот

Судејќи барем според моменталните анализи со кои ние располагаме, Балканот и Македонија ќе бидат зафатени дури од три сериозни удари на поларниот вртлог до крајот на овој, и на самиот почеток од месец декември, а првиот доаѓа уште од овој викенд и ќе донесе врнежи од дожд, снег и снежна покривка на планините и на Скијачките центри, информира Славчо Попоски.

Снежната граница за време на викендот ќе се спушти некаде до 700 – 800 метри надморска височина, со што локално провејување на снег ќе има и во повисоките градови, како што се Берово, Крива Паланка и други. Сето ова ќе биде проследено со засилен, повремено силен ветер од северен правец (повремено и локално со брзина до околу 80 км/час).

За време на викендот, како и на самиот почеток од следната седмица го очекуваме и првиот мраз на многу места низ Македонија и тогаш утринските температури ќе се спуштаат во интервалот од -6 до 3 степени. Максималните дневни температури пак за време на викендот ќе бележат тенденција на голем пад и ќе се искачуваат во интервалот само од 2 до 11 степени.

Многу променлива и со чести врнежи ќе биде и следната седмица, а вториот сериозен удар на поларниот вртлог кај нас го очекуваме околу 27 ноември, додека третиот на самиот крај од овој, и во почетокот на месец декември. Токму овие два удари на поларниот вртлог ќе донесат и вистинска снежна бајка на Балканот, но и во Македонија.

Share on Facebook

Tweet

Follow us

Save