Добро утро со Инфомакс: Има вера и вистина, има Македонија – Во спомен на Игор Костески, ѕверски убиен во масакрот кај Вејце

Фејсбук страната “Македонски бранители” објави една поема која веројатно малкумина ја знаат, а е напишана од Игор Костески, припадник на специјалната единица “Волци”, ѕверски убиен во масакрот кај Вејце.

-Со започнувањето на секоја пролет, на секој нов април, ние, македонските бранители, не може а да не помислиме на грозоморниот масакр кај Вејце и нејзините жртви – маченици. Сакаме јавно да се потсетиме на еден од нив, на Водникот Игор Костески, припадник на Волците. Од посебна значајност е нотесот на Игор кој го носел секогаш со него. Во нотесот си запишувал поеми и песни за Македонија, за љубовта, копнежот, чекањето, но исто така и за смртта и за неговото кобно пречувство, објавија “Македонски бранители”.

Добро утро Македонци, да се потсетиме како хероите ја гледаат Македонија:

„МАКЕДОНИЈА“

Има една земја тажна

има народ еден тажен

има векови поминати

има темници гледано

има вечни соништа

има една – а не три!

Има песна исконска

има чекори длабоки

има мисла надежна

има срце челично

има љубов внатре

има вода, гори и долини

има една – а не три!

Има сонце

има еден корен

има гнев и омраза

има и заборав

има вера и вистина

има една – а не три!

Има Македонија.

од Игор Костески, ѕверски убиен кај село Вејце, Тетовско

Share on Facebook

Tweet

Follow us

Save