Добро утро со Инфомакс: Капи и глави

Петре М. Андреевски е еден од ретките кои умееше преку минатото, да ја долови сегашноста, а да ја види и иднината. Неговите дела се безвременски, неповторливи, а секој од нас секојдневно може да се пронајде во некој од неговите стихови.

Македонците, веројатно како никогаш досега, се поделени по сите основи. Затоа, денеска во рубриката “Добро утро со Инфомакс”, издвојуваме една многу кратка творба на Андреевски, која пророчки објаснува што ни се случува.

Добро утро Македонци, во продолжение “Капи и глави”:

Беа браќа и први братучеди,

убави сестри, тетки и стрини,

и некои вујчеи и светијонии…

И, борејќи се сите за иста татковина,

се поделија, се замразија, се закрвија,

под туѓи капи главите си ги ставија.

А кога ги побараа капите на главите,

веќе немаа ни капи, ни глави…