Добро утро со Инфомакс: Подобро ужасен крај, отколку ужас без крај

Даме Груев е македонски револуционер, основач и еден од најистакнатите членови на Македонската револуционерна организација. Возвишуван е како апостол и волја на револуционерна Македонија.

Еве како зборуваа другите за Даме:

Кога говореше со својот сладок глас во неделното училиште, во собранијата, кога агитираше седнат меѓу занаетчиите или селаните… тој влеваше тих ентузијазам, влеваше боречки дух во старите срца и од нерешителните, плашливи и неверни во себе робови, тој неосетно создавање совесни граѓани, создаваше борци, тој ги омајуваше сите и ги завлекуваше во Револуционерната организација… Друг агитатор сличен на него Македонија не роди.

— Васил Пасков, Даме Груев – живот и дело…

А ова е ставот на Груев за Илинденското востание.

Подобро ужасен крај, отколку ужас без крај — Даме Груев, Изјава за англиски новинар

Досега сте можеле да се убедите дека Македонците си стојат на зборот, и Вам, имено Вам, би Ви следело да ги научите од нас правилата на воена чест. Но, да не говориме за тоа што нема да биде… Ние се надеваме со нашите сопствени сили да ги уништиме вашите храбри војници и можеби не е далеку часот кога над облеаната во крв Македонија ќе засвети сонцето на слободата

— Даме Груев, Писмо на Даме до Хусеин Хилми паша

Share on Facebook

Tweet

Follow us

Save