INFOMAX.MK

Крсте Петков Мисирков, роден во Постол, Егејска Македонија, на 18 ноември 1874, починал во Софија, 26 јули 1926, е македонски филолог, кодификатор на македонскиот литературен јазик и правопис, славист, историчар, етнограф, аналитичар на национално-политичките проблеми, публицист, собирач и проучувач на македонското народно творештво.

Автор на првата книга и првото списание на современ македонски јазик, основоположник и активен учесник во македонските научно-литературни и национално-политички друштва во Белград, Санкт Петербург, Одеса и Софија, раководител на ТМОК и личност на македонскиот XX век.

Мисирков бил свесен Македонец, а тоа го истакнувал во секоја прилика, посебно во неговите статии.

Добро утро Македонци, во продолжение денес наместо поезија има неколку цитати од Крсте Петков Мисирков:

„Да се откажит чоек от својо народен јазик, значит, да се откажит он и од народнијот дух. Со тоа само се објаснуат сакајн’ето и усилијата на покорителите, да напраат покорените, да се откажат од својот јазик и да изучат на негоо место нивнијот; исто така со тоа се објаснуат упорството нa покорените народи да сочуваат сето своје дyxoвнo нapoднo наследство, а особито јазикот.“

„Како Македонци ние ќе ѝ бидеме пополезни и на Македонија, и на Бугарија, и на Србија, изопшто на целото Јужно-Славјанство, отколку како Срби или Бугари.

Како Бугарин јас одамна би кажал: Каква ти Македонија, и тука ми e арно, нема да мислам веќе на она што е загубено. Но како Македонец јас се чувствувам во Бугарија како во туѓина, каде што навистина се навоѓам меѓу родни браќа, но не сум си дома во својата татковина. Таа е таму каде што сум се родил и каде што треба да си ги оставам коските, каде што треба да појде мојот син ако не ми биде мене судено да појдам јас лично.

Сознанието и чувството дека сум Македонец треба да стоат повисоко од сѐ дpyгo на светот. Македонецот не треба да се слева и да се обезличува живеејќи меѓу Бугари и Срби. Ние можеме да ја имаме близоста на српските, бугарските и македонските интереси, но се треба да биде оценувано од македонско гледиште.“