Добро утро со Инфомакс: Татковината е тоа, рече тој и саноќ, грутка по грутка, прашинка по прашинка ја собираше

Анте Поповски е македонски поет, есеист, препејувач, публицист и политичар.

Избори од неговата поезија во посебни книги се објавени во Албанија, Грција, Франција, Русија, Турција, Италија, Германија, Велика Британија и Индија.

Поповски својата инспирација ја наоѓа во Македонија и голем дел од неговото творештво е посветено токму на татковината за која употребува најмилни зборови.

Добро утро Македонци, уживајте во “Татковина” на Анте Поповски:

Татковина

Кога пристигна бродот во таа далечна земја
Тој виде непознат народ поседнат на брегот
И јадри ѕвезди на небото.
Што носи кога го прашаа
тој покажа врзана шамија со земја,
а кога му ја истурија заплака.
Татковината е тоа рече тој и саноќ
грутка по грутка, прашинка по прашинка
ја собираше.

Share on Facebook

Tweet

Follow us

Save