INFOMAX.MK

Претседателот на босанско-херцеговскиот ентитет Република Српска Милорад Додик изјави денес во Казањ во Русија дека БРИКС е единствената сигурна и стабилна алтернатива на постоечкото уредување на светот и дека тоа „мировно движење“ треба уште повеќе да зајакне.

Додик кажа дека речиси нема земја која не сака да се види во одредени контакти и соработка со БРИКС, кој го оцени како „мировно движење во светот, кое се обидува да обезбеди стабилност и мир, уважувајќи го суверенитетот, внатрешното уредување, без мешање во внатрешните прашања на другите земји“.

Според него, тоа е „сојуз на независни држави кои своеволно, без какви било притисоци, се вклучуваат во оваа организација со желба светот да биде поправеден и подобар и постабилно место за живот“.

„Тоа е нешто што во униполарниот свет може само да се сонува. Според тоа, ова е реална алтернатива на она што го имаме сега во светот“, истакна Додик, а пренесува Радиотелевизија на Република Срспка.

Тој изрази уверување дека во следниот период и Србија ќе донесе одлуки во врска со БРИКС.

Во Казањ од 22 до 24 октомври ќе се одржи самит на БРИКС.