Додик: Референдум за независност на Српска ќе има, можно е соединување со Србија
![t](https://infomax.mk/wp-content/uploads/2022/10/Milorad-Dodik-Republika-Srpska-1024x680-1.jpg)
Референдумот за независност на Република Српска од Босна и Херцеговина ќе се одржи, а неговиот датум допрва треба да се одреди, изјави претседателот на Република Српска Милорад Додик во интервју за руските медиуми на маргините на Меѓународниот економски форум во Санкт Петербург. Додик не ја исклучи и можноста за идно обединување на Република Српска со Србија.
„Би било сосема природно и историски оправдано земјите во кои мнозинството од населението се Срби да се обединат во една структура и заедница, но тоа е задача на идните генерации и политичките одлуки на двете земји“, рече Додик.
Според него, има одлука за одвојување од Босна и Херцеговина, но сè уште не е одреден конкретен датум и ќе биде потребно извесно време пред да се одржи референдумот.
Додик најави почеток на преговорите за разединување, но додаде и дека е убеден оти веќе постои „историска, генерално цивилизациска зрелост и разбирање дека тоа е неопходно и ќе се случи“.
Додик претходно изјави дека властите на Република Српска ќе изготват предлог за мирно разединување на Босна и Херцеговина во рок од 30 дена.
Според неговите зборови, тоа ќе овозможи зачувување на постоечкиот модел на економско функционирање и негово прилагодување кон моделот на мирно разграничување.
ПОВРЗАНИ ВЕСТИ
Србија ќе изгради музеј во чест на…
Претседателот на Србија, Александар Вучиќ, денеска изјави…
Нови протести против ископувањето на литиум во…
Во Јагодина, Сремска Митровица, Инѓа и Книќ…
Вучиќ: Курти се обидува да предизвика војна
Претседателот на Србија, Александар Вучиќ обвини дека…
Протести ширум Србија: Граѓаните не сакаат ископ…
Во градовите ширум Србија вечерва се одржуваат…
В.д. директорот на Поштата на Србија: Продолжен…
В.д. директорот на Поштата на Србија, Зоран…