INFOMAX.MK

Што знаеме од анализите на земени примероци од водите на Тораничка и Крива Река поврзани со излевањето од рудникот Тораница?

🟥 Според едниот примерок земен од риболовниот клуб Мрена од Крива Река кај село Жидилово-рибник Дабо на дента на инцидентот, 14.3.2025, со анализа завршена на 18.3.2025,

– концентрацијата на суспендирани материи била за ⬆️263 пати повисока од максимално дозволеното,
– матноста за ⬆️ 17 пати повисока од максимално дозволената,

што ја става водата во петта класа, според старата класификација на води, што значи дека водата е многу загадена и НЕ МОЖЕ може да се употребува за НИЕДНА намена, а концентрацијата на штетни супстанции ги надминува акутните нивоа на токсичност за водениот живот.

🟥 Според другиот примерок земен од риболовниот клуб Мрена од Крива Река кај село Узем – бетонски мост на околу 500 метри испод јаловиштетот од рудникот Тораница на дента на инцидентот, 14.3.2025, со анализа завршена на 1.4.2025,

– Кадмиумот е за ⬆️22 пати повеќе од максимално дозволеното,
– Манган има ⬆️3,8 пати повеќе од максимално дозволеното,
– Оловото е за ⬆️3,7 пати над максимално дозволеното,
– Цинкот е малку над максимално дозволената концентрација,
што ја става и оваа вода во петта класа, поради високите концентрации на олово.

🟥 Според примерок земен дента на инцидентот од концесионерот на рудникот Тораница, Булмак 2016, од Тораничка река – влез во тунел, анализиран 12 дена подоцна, на 26.3.2025,

– Кадмиумот е за ⬆️77 пати повеќе од максимално дозволеното,
– Манганот е за ⬆️10,8 пати над максимално дозволеното,
– Оловото е за ⬆️5,3 пати над максимално дозволеното,
– Цинкот е за ⬆️5,1 пати над максимално дозволеното,
– концентрацијата на цијанидите и сулфидите не се знае дали е над максимално дозволеното од анализата. Дополнително цијанидите во најголем дел после 12 дена се деградирани и не може да се утврди колкава била концентрацијата во водата дента.

Водата е петта класа, многу загадена и НЕ СМЕЕ да се употребува за НИШТО.

🟧 Според примерок земен после 12 дена од дента на инцидентот, на 26.03.2025, од Булмак 2016, од Крива Река – мост Узем, анализиран истиот ден,

– Кадмиумот е за ⬆️3,2 пати повеќе од максимално дозволеното,
– концентрацијата на цијанидите и сулфидите не се знае дали е над максимално дозволеното од анализата.

Водата е трета-четврта класа поради концентрациите на кадмиум, чии нивоа се хронично токсични за водениот живот.

🟥 Според примерок земен дента по иницидентот, 15.03.2025, од општина Крива Паланка, од Крива Река – кај мостот во висина на просториите на општината, анализиран 17-18.03.2025,
– Вкупните цијаниди се за ⬆️14 пати над максимално дозволеното,
– Оловото е за ⬆️10,2 пати над максимално дозволеното,
– концентрацијата на кадмиум не се знае дали е над максимално дозволеното од анализата,
– вкупниот фосфор е за ⬆️25,2-14,4 пати над максимално дозволеното,
– амониумот е за ⬆️19,2 пати над максимално дозволеното,
– нитритите се за ⬆️4,8 пати над максимално дозволеното,
– вкупниот азот е за ⬆️3,5-2,2 пати над максимално дозволеното,
– ХПК е за ⬆️4,7-2,4 пати над максимално дозволеното.
Водата е петта класа, според концентрациите на олово, многу загадена и НЕ СМЕЕ да се употребува за НИШТО.

❌ Државниот инспекторат за животна средина НЕ ЗЕМАЛ примероци од повеќе места на Тораничка и Крива Река дента на инцидентот.

⛔️ Заклучок: Водата во Тораничка и Крива Река на дента на инцидентот, 14.03.2025 и дента потоа во Крива Река, 15.03.2025 била од петта категорија, со високи концентрации на олово пред сѐ, НЕ СМЕЕЛА да се употребува за НИЕДНА намена, а концентрацијата на штетни супстанции ги надминувала акутните нивоа на токсичност за водениот живот.

📨 Доставивме барање до министерот за животна средина да се изврши независно супервештачење на теренот, со цел утврдување на степенот на загаденост и изворот на загадување на околината, реките, околната почва и влијанието врз живиот свет.

О2 иницијатива