Дончиќ не можеше сам, Бостон жестоко го отвори финалето

Екипата на Бостон Селтикс оствари убедлива победа на стартот од финалната серија во НБА лигата.

Тимот од Масачусетс славеше против Далас со 107-89 и покажа дека е подготвен за првата шампионска титула по пауза од 16 години. Неизвесноста на првиот натпревар траеше мошне кратко, само во првата половина од воведната четвртина во која Бостон кратко имаше и водство, со 15-14.

Првиот квартал заврши со водство на Бостон од 37-20, а се понатаму одеше на контото на домашниот тим. Разликата постојано се зголемуваше, до највисоките +29 на средината од втората четвртина по што Далас не успеа да ја загрози победата на Бостон.

Лука Дончиќ не можеше сам, натпреварот го заврши со 30 поени и 10 скока, а далеку зад него останаа Вашингтон со 14 и Харди со 13 поени. Кајри Ирвинг имаше вечер за заборав, со 12 поени и шут од игра 6/19.

Бостон имаше повеќе расположени играчи, Браун постигна 22 поена, Тејтум оствари дабл дабл со 16 поени и 11 скока, а Порзингис заврши со 20 поени. И вториот меч се игра на теренот на Бостон, в понеделник рано наутро.

Share on Facebook

Tweet

Follow us

Save