До Народниот правобранител примени 30 телефонски повици за повреда на избирачкото право

Од канцеларијата на Народниот правобранител известија дека примиле 30 телефонски повици, а едно лице и лично се обратило до нив. Најголемиот дел од поплаките или десетина забележуваат зошто биле прашани дали сакаат да гласаат за претседателски или за парламентарни избори. Неколку лица се јавиле и од старечките домови се пожалиле дека не можеле да го остварат своето избирачко право. Поплаки има и од вработени во приватниот сектор кои денеска не биле ослободени од работните обврски.

Од канцеларијата на Народниот правобранител известуваа дека од 7 до 19 часот, граѓаните ќе можат да пријават каква било повреда на избирачкото право на бесплатната телефонска линија 0800-543-21 или лично во канцелариите во Скопје, Струмица, Кичево, Тетово, Битола, Штип и во Куманово.

Share on Facebook

Tweet

Follow us

Save