ДРАГО МИ Е АКО СТЕ БЕСНИ: Медведев се радува што Западот реагираше на посетата на Си Џинпинг

Мислам дека и тие се радуваат со нас, додаде Медведев.

Заменик-претседателот на Советот за безбедност на Русија, Дмитриј Медведев рече дека му е драго ако Западот се лути поради тоа што кинескиот претседател Си Џинпинг ја посети Москва.

– Мислам дека и тие се радуваат со нас – рече Медведев на првиот канал на руската телевизија на прашањето дали забележал како Западот реагираше на тридневната посета и средбата на Си со Владимир Путин, пренесува РИА.

На забелешката на водителката дека „се бесни“, Медведев се насмеа.

– Совршено. Тоа многу ме радува – изјави Медведев.

Тридневната посета на Џинпинг заврши денеска, а аналитирачите имаа мешани коментари во врска со тоа дали Путин го добил тоа што го сакал од Си. Во една анализа се вели дека Путин сепак има повеќе обврски од Џинпинг во нивното пријателство.

Share on Facebook

Tweet

Follow us

Save