Драматична победа на Македонија над Романија, решавачки беше еден гол, додека Италија беше подобра од Полска

Во рамките на Групата Б, репрезентацијата на Македонија во драматичен финиш ја совлада Романија со 24:23 (13:9) на натпреварот во Хернинг.

Македонците до победата стигнаа со гол во последната минута, иако во текот на мечот имаа и предност од пет погодоци. Со оваа тешко извојувана победа, селекцијата на Македонија задржа само теоретски шанси за пласман, бидејќи за квалификација ќе биде потребно Португалија да загуби од Данска со разлика од 17 или повеќе голови сценарио што тешко дека ќе се оствари.

Најефикасен во македонските редови беше Кузмановски со девет голови, додека кај Романија се истакна Нистор со осум погодоци.

Во натпревар без резултатско значење во Групата Ф, одигран во Кристијанштад, Италија ја совлада Полска со 29:28 (15:13).

Хелмерсон и Менгон постигнаа по шест голови за „аѕурите“, а кај Полска не помогна ниту одличниот Чаплински со 11 реализации.

Share on Facebook

Tweet

Follow us

Save