Драма во скопско Шишево: Пукал кон соселанин, го погодил во пределот на увото
Жител на скопското село Шишево е приведен откако, според пријава до полицијата, пукал со пиштол кон сограѓанин и му нанел повреда во пределот на увото.
Од Министерството за внатрешни работи информираат дека денеска полициски службеници од Полициската станица Ѓорче Петров го лишиле од слобода Г.А. (43) од село Шишево.
„Денеска (06.06.2026) полициски службеници од ПС Ѓорче Петров го лишија од слобода Г.А. (43) од с. Шишево, скопско, постапувајќи по пријава околу 16:10 часот од И.Ш. од с. Шишево, дека Г.А. пукал со пиштол кон него на влезот во с. Шишево и му нанел повреда во пределот на увото“, соопштија од МВР за Скопје1.
Според пријавеното, И.Ш. бил пресретнат од Г.А. и С.А., двајцата од истото село, по што Г.А. извадил пиштол и испукал кон него.
Од полицијата велат дека се преземаат мерки за целосно расчистување на случајот.
„По целосно расчистување на случајот, ќе биде поднесена соодветна пријава“, наведуваат од МВР.
ПОВРЗАНИ ВЕСТИ
Над 1.600 сообраќајни прекршоци за три дена,…
Полицијата во периодот од 24 до 26…
Водата во Скопје е безбедна за пиење
Водата во Скопје е квалитетна и безбедна…
МВР: Констатирани 140 прекршоци и осум кривични…
Секторот за сообраќајни работи при Министерството за…
Странските државјани можат онлајн да ги плаќаат…
Странските државјани кои со возила со странски…
Кривична пријава: Незаконски продавале отпад од ,,Тутунски…
Од МВР информираат дека се поднесени кривични…