Драма на небото-Пилоти заспале за време на лет, во авионот имало повеќе од 150 патници

Пилотот и копилотот спиеле околу 28 минути во исто време за време на летот на Батик Ер кој летал од градот Сулавеси во југоисточна Индонезија до главниот град на Индонезија Џакарта на 25 јануари, покажува прелиминарниот извештај на Националниот комитет за безбедност на транспортот, (КНКТ), пренесува Гардијан.

За среќа при овој инцидент за време на летот на Ербас А320, кој траел два часа и 35 минути,  не е повреден ниту еден од  153 патници и четирите стјуардеси.

Во извештајот на КНКТ се наведува дека околу 90 минути по полетувањето на авионот, капетанот побарал дозвола од копилотот да одмори извесно време, што тој му дал.

Копилотот потоа ја презел командата со леталото, но потоа и тој заспал. Неколку минути по последниот снимен пренос на копилотот, Центарот за контрола на летот во областа Џакарта се обидел да стапи во контакт со авионот, но не доби одговор. Пилотот се разбудил 28 минути по последниот снимен пренос и сфатил дека неговиот копилот спие и дека леталото не е на правилната патека на летот.

Веднаш го разбудил колегата, одговарал на повиците од Џакарта и го поправил курсот, се вели во извештајот.

„Министерството за транспорт на Индонезија „остро го прекорува“ Батик Ер за овој инцидент“, рече генералниот директор на Одделот за воздушен транспорт во KNKT Марија Кристи Енда Мурни. Таа ги повика авиокомпаниите да посветат поголемо внимание на времето за одмор на нивните екипажи.

Share on Facebook

Tweet

Follow us

Save