Државјанка на Велика Британија тешко повредена во сообраќајка на патот Кичево–Охрид

На 10 јуни 2026 година, во 17:50 часот, во СВР Охрид било пријавено дека на магистралниот пат Кичево–Охрид се случила сообраќајна несреќа во која тешко е повредена 23-годишна државјанка на Обединетото Кралство.

Според информациите од Министерството за внатрешни работи, патничко возило „ауди“ со скопски регистарски ознаки, управувано од К.У.К. (23) од Обединетото Кралство, удрило во метална заштитна ограда, по што излетало надвор од коловозот.

Во несреќата тешки телесни повреди се здобила неговата 23-годишна сопатничка Б.А., исто така од Обединетото Кралство. Повредите биле констатирани во Специјалната болница „Свети Еразмо“ во Охрид, каде ѝ била укажана лекарска помош.

Увид на местото на несреќата извршила увидна екипа од СВР Охрид, а причините за сообраќајната незгода се утврдуваат.

Share on Facebook

Tweet

Follow us

Save