ДУИ ќе собира пратенички потписи за внесување на Бугарите во Уставот

ДУИ најави започнување на постапката за собирање пратенички потписи за почеток на процесот на уставните измени. Според пратеникот и координатор на пратеничката група на „Европскиот фронт“, Блерим Беџети, предлог за измема на Уставот може да поднесат најмалку 30 пратеници. Беџети ги повика сите пратеници да им се приклучат.

-ВМРО-ДПМНЕ не може сите заедници и граѓани да ги остави во заложништво. Ова се сериозни моменти и потреби, затоа бараме 30 пратеници ,а особено ги повикавме пратениците од ВЛЕН. Затоа што политичарите се врзуваат со граѓаните и договорот што го создаваат врз програмата и јавно искажаните ставови. Во нивната програма, со лик и глас, го ветија истото. Ако имаат чесност и коректност, треба да стават потпис, а потоа се на ред и пратениците од ВМРО-ДПМНЕ, кажа Беџети на денешната прес-конференција во Собранието, додавајќи дека ова не е политички притисок туку реална потреба за да, како што вели, се придвижеме напред како држава и да отвориме перспектива за граѓаните.

Пратеникот сака да верува дека и пратениците од ВМРО-ДПМНЕ ќе гласаат за уставни измени за внесување на Бугарите во Преамбулата.

Share on Facebook

Tweet

Follow us

Save